198 ukrainas të vrarë në 3 ditë luftime, mes tyre 3 fëmijë

198 ukrainas, duke përfshirë tre fëmijë, janë vrarë gjatë tri ditëve luftimeve kundër pushtimit rus, tha ministri i Shëndetësisë të vendit, Viktor Lyashko.

1115 persona të tjerë janë plagosur, mes tyre 33 fëmijë

Kryetari i bashkisë së Kievit, Vitali Klitschko, tha 35 persona u plagosën nga bombardimet gjatë natës në Kiev. Me të plagosurve rasportohet se janë edhe dy fëmijë, tha ish-kampioni i boksit.

Nuk është ende e qartë nëse ai i referohej vetëm civilëve.

Ai tha se aktualisht nuk ka prani të madhe ushtarake ruse në Kiev, por shtoi se grupet diversante ruse ishin aktive në qytet.

Mëngjesit e sotëm bënë xhiron e botës imazhet e një blloku apartamentesh pranë aeroportit të Kievit, i bombarduar me raketa. Nuk dihet nëse mes të plagosurve janë edhe banorë të pallatit të shkatërruar pjesërisht.

LEXONI GJITHASHTU:

• Zelenskyi: Kjo natë do të jetë e vështirë për Kievin
• Tanku rus shtyp makinën në Kiev, i moshuari shpëton mrekullisht