Marrëveshje mes muzeut “Marubi” dhe arkivit fotografik më të vjetër në botë

Puna dhe mundi i shumë viteve në krijimin dhe rritjen e muzeut kombëtarë të fotografisë “Marubi” është finalizuar mbrëmjes e së enjtes në një event gala ku është firmosur marrëveshja me arkivin fotografik më të vjetër në botë , Arkivin “Alinari”.

Drejtuesi i këtij muzeu, Luçjan Bedeni e ka vlerësuar këtë moment historik i cili nuk do të ndalet me kaq. Qëllimi si pas tij është krijimi i shkollës së fotografisë.

“Me Alinarin është një pikë shumë e rëndësishme. Është  historike. Ky bashkëpunim ka një tjeteër synim. Një shkollë fotografie i cili është një projekt i Marubit shume ambicioz. Nuk do të jetë një shkollë e thjeshtë  fotografie, vëmendja jonë do të jetë për restaurimet, për konservimin, mënyrën e dixhitalizimit dhe trajtimin e arkiveve”-tha Lucian Bedeni, Drejtor i Muzeut Kombëtar.

Finalizimi i këtij bashkëpunimi me arkivin Italian do të jenë dy ekspozita të emrave të njohur të artit botëror, së shpejti në muzeun “Marubi”.

“Ne jemi shumë të lumtur që i arkivi ynë, hyn ne kontakt me një tjetër arkiv fotografik që ka lindur nga një fotograf Italian si Marubi dhe i tregojmë botës, përmes fotografisë, të kaluarën. Koleksioni i jashtezakonshëm që ka dhe cilësia e konservimit të këtyre materialeve, e bën të veçantë muzeun “Marubi”. Do të punojmë që të mësojmë të rinjtë të njihen me proceset e restaurimit të fotografive, konservimit, pasi ne kemi një shkollë të shkëlqyer në Firence”-tha Giorgio Van Straten, president i Alinari.

“E gjitha kjo është një histori interesante, pasi nis nga një JO. Kur mësova se do të jem drejtor i Insitutit Italian të Kulturës, për shkak edhe të njohjeve, doja të sillja një ekspozitë të Alinarit në Shqipëri. Mora një JO në fillim, por sot ja kemi arritur dhe arsyet përse janë të shumta. Kemi  firmosur një marrëveshje afatgjate dhe me fryte për vitet në vazhdim mes Marubit dhe Alinarit.”-tha Alessandro Ruggera, Drejtor i Institutit Italian të Kulturës

Historia e koleksionit fotografik Alinari filloi në Firence në 1852 kur Leopoldo Alinari ngriti laboratorin e tij të parë fotografik në Firence. Së bashku me vëllezërit e tij Giuseppe e Romualdo themeluan firmën “Vëllezërit Alinari”. Sot ky arkiv numëron mbi 5 milion artefaktë të koleksioneve të artistëve më të rëndësishëm botëror.

LEXONI GJITHASHTU: 

• Lirohet nga burgu në Hagë kreu i OVL-UÇK, tashmë do shkojë në Kosovë
• Taksa e pronës| Nis zbatimi, rritet fatura e ujit për familjet në Tiranë