Katër anëtarët e familjes Gjoka vijojnë të jenë në gjendje të rënduar shëndetësore

Katër anëtarët e familjes Gjoka, të cilët mbetën të plagosur nga shpërthimi i 6 bombolave të gazit në Velipojë, vijojnë të jenë në gjendje të rënduar shëndetësore.

Gazetarja e Euronews Albania, Elona Gjylmi raportoi nga reparti i Djegie-Plastikës në QSUT se nuk ka asnjë përmirësim të gjendjes shëndetësore të të plagosurve.

Ndërkohë, Inspektorati Shtetëror Teknik dhe Industrial bën me dije se shpërthimi dyshohet të ketë ndodhur nga rrjedhja e gazit në një nga bombolat e kampingut, e cila mund të jetë lënë e hapur gjatë natës nga familjarët.

Ngjarja e rëndë ndodhi mëngjesin e së dielës, ku pas shpërthimit të bombolave nëna 40-vjeçe dhe 3 fëmijët e saj të moshave 19, 15 dhe 11 vjeç mbetën të plagosur rëndë dhe u transportuan me helikopter drejt repartit të Djegie-Plastikës në QSUT.

Mësohet se familja Gjoka, pronarë të hotelit ku shpërtheu bombola e gazit, sapo ishte kthyer nga Italia.

LEXONI GJITHASHTU:

• Shpërthen bombola e gazit në një hotel në Velipojë, plagosen 4 anëtarë të një familjeje, mes tyre një fëmijë
• Arrestohen 2 mjekë të “Traumës”, akuzohen se morën para për të operuar të plagosurin në Velipojë
• I afërmi i familjes së plagosur nga shpërthimi në Velipojë: Erdhën një ditë më parë për të pastruar hotelin