43-vjeçari italian fyen dhe vret me thikë fqinjin shqiptar

Një ngajrje e rëndë ka ndodhur mbrëmjen e ditës së premte në Itali, ku një 41-vjeçar italian ka ekzekutuar me thikë një 61-vjeçar shqiptar.

Ngjarja ka ndodhur në Bibbiano të Reggio Emilia-s, në një apartament shumë pranë bashkisë së qytetit dhe afër sheshit kryesor.

Mediat italiane bëjnë me dije se 61-vjeçari shqiptar kishte shkuar të vizitonte mbesën e tij e tij që banonte në atë zonë.

Në shkallët e pallatit ai u konfliktua me fqinjin, 43-vjeçar të mbesës, i cili rezulton një person me precedentë penal, i arrestuar për disa vjedhje.

Sipas hetimeve paraprake debati mesa autorit dhe viktimës ka lindur për shkak të qëndrimit tallës të italianit ndaj shqiptarit.

Pas debatit verbal, 43-vjeçari italian u largua në banesë, ndërkohë që 61-vjeçari shqiptar i shkoi pas dhe i trokiti në derë. Italiani ka marrë një thikë kuzhine në banesën ku jeton me nënën e tij dhe ka qëlluar në kraharor shqiptarin.

Një turmë e të afërmve dhe miqve të viktimës u mblodh menjëherë pas ngjarje, saqë karabinierët  me vështirësi dhe pas momenteve të tensionit të fortë krijuan një kordon dhe arritën të largonin vrasësin e dyshuar.