Në 6 muajt e parë të vitit 2022 trafiku ajror në Shqipëri ka njohur një rritje tej të gjitha pritshmërive.
Janë 44% më tepër udhëtarë që kanë hyrë dhe dalë në Shqipëri përmes aeroportit të Rinasit krahasuar me vitin 2019-të, që para shpërthimit të pandemisë konsiderohet si viti më i suksesshëm në aviacionin civil shqiptar.
Në mesin e aeroporteve që shërbejnë si porta për destinacionet turistike, Tirana renditet e dyta në nivel europian, duke lënë pas të gjithë aeroportet e Greqisë.
Sipas të dhënave nga Aeroporti i Rinasit, vetëm gjatë muajit korrik numri i udhëtarëve ka qenë mbi 600 mijë.
Pritshmëritë janë që numri i qytetarëve që do të hyjnë dhe dalin nga Shqipëria përmes aeroportit ndërkombëtar “Nënë Tereza” të jetë rreth 5 milionë, gati 1.7 milionë më shumë se sa viti 2019.
Rinasi renditet edhe në mesin e aeroporteve me performancën më të mirë sa i takon numrit të fluturimeve të anuluara, edhe pse situata në të gjithë Europën ka qenë shumë e vështirë për pothuajse të gjithë aeroportet.
Këto rritje të performancës së aeroportit të Rinasit pritet të shkojnë edhe më tej falë investimeve që janë bërë me hapjen e terminalit të ri, i cili do të shërbej për hyrjen e udhëtarëve, ndërsa godina ekzistuese do të përdoret vetëm për daljen nga Shqipëria.
LEXONI GJITHASHTU: