49-vjeçari donte të hidhej nga Ura e Bunës, parndalohet ngjarja e rëndë në Shkodër

Një ngjarje e rëndë është parandaluar nga Policia në Shkodër, pasi një 49-vjeçar tentoi t’i jepte fund jetës, duke u hedhur nga Ura në lumin Buna.

Përmes një njoftimi Policia bën të ditur se menjëherë pas parandalimit të ngjarjes së rëndë, 49-vjeçari u shoqërua në spitalin psikiatrik, për të marrë asistencën e nevojshme mjekësore.

Njoftimi i Policisë:

Shkodër/Tentoi të hidhej nga Ura në lumin Buna, për tu vetëmytur ndërhyrja e menjëhershme e Patrullës së Qarkullimit Rrugor që ishte me shërbim në territor, parandalon ngjarjen e rëndë.

Sot më datës 23.08.2024, Patrulla e Qarkullimit Rrugor  gjatë patrullimit në territor ka konstatuar një shtetas te Ura e Bunës që kryente lëvizje të dyshimta dhe tentonte të hidhej nga Ura në lumin Buna.

Patrulla e Qarkullimit Rrugorë e DVP Shkodër ka njoftuar forcat ”Shqiponja” dhe  shkuan menjëherë te qytetari që tentonte të hidhej në lumë.

Si rezultat i ndërhyrjes së shpejtë, u parandalua  ngjarja dhe 49 vjeçari V. N, u  shoqërua në spital psikiatrik, për të marrë asistencën e nevojshme mjekësore, pasi nga verifikimet rezultoi se vuante nga shëndeti mendor.

LEXONI GJITHASHTU:

• Gruaja tentoi vetëvrasjen për shkak të dhunës, arrestohet 47-vjeçari në Tiranë
• U arrestua pas vetëvrasjes së efektives, gjykata liron të dashurin e 21-vjeçares