“5 mijë euro, ose të nxora videot intime”- Shantazhoi gruan në Shqipëri, ekstradohet

Një 62-vjeçar nga Kosova është ekstraduar nga Gjermania në Shqipëri, pasi Gjykata e Durrësit i kishte caktuar masën “Arrest në burg” për akuzat e “Ngacmimit seksual” dhe “Shtrëngimi me anë të kanosjes ose dhunës për dhënien e pasurisë”.

Shtetasi, i identifikuar si F. I., u arrestua në muajin gusht në Gjermani pas shpalljes në kërkim ndërkombëtar në kuadër të operacionit “Partners”, i cili u realizua përmes një bashkëpunimi të ngushtë ndërkombëtar midis Interpol Tiranës dhe Interpol Ëiesbaden në Gjermani.

62-vjeçari akuzohet për kanosjen e një shtetaseje, të cilës i kërkoi 5,000 euro për të mos publikuar video intime të saj. Po ashtu, ai dyshohet për ngacmim seksual ndaj mbesës së kësaj shtetaseje.

“Ekstradohet nga Gjermania, shtetasi kosovar F. I., 62 vjeç, i arrestuar në Gjermani, në muajin gusht, në kuadër të operacionit policor të koduar “Partners”.

Ky shtetas ka qenë i shpallur në kërkim ndërkombëtar nga Interpol Tirana, pasi Gjykata e Durrësit i ka caktuar masën e sigurisë “Arrest në burg”, për veprat penale “Ngacmimi seksual” dhe “Shtrëngimi me anë të kanosjes ose dhunës për dhënien e pasurisë”, thuhet në njoftimin e policisë.

LEXONI GJITHASHTU:

• “Ia nisa fotot intime gruas”- 41-vjeçarja shantazhon të moshuarin, i merr 50 mijë €
• I mori bizmesmenit 10 mijë € duke e shantazhuar, arrestohet kryekomisari (Emri)