“Ia nisa fotot intime gruas”- 41-vjeçarja shantazhon të moshuarin, i merr 50 mijë €

17 Shtator 2024 | 12:15

Një 71-vjeçar nga Prishtina, ka tentuar t’i japë fund jetës për shkak të gjendjes së rënduar psikologjike që i kishte shkaktuar një lidhje jashtëmartesore me një grua shumë më të re në moshë.

I moshuari kishte një raport intim me një 41-vjeçare, e cila kohët e fundit kishte nisur t’i bënte shantazh për marrje të pasurisë. Gruaja e kërcënonte se do t’i publikonte fotot intime me të dhe në këmbim ka përfituar shuma të konsiderueshme parash.

“Më 16.09.2024 është identifikuar dhe arrestuar shtetasja 41-vjeçare, e cila dyshohet se ka shantazhuar një shtetas se do ‘ti publikonte disa foto të tij. Përmes shantazhit e dyshuara ka arritur që të marrë nga viktima një shumë të madhe parash. Me vendim të prokurorit e dyshuara është dërguar në paraburgim”, thuhet në njoftimin e Policisë së Kosovës.

Mediat në Kosovë shkruajnë se policia ka arrestuar 41-vjeçaren Leonora Gashi.

Dyshohet se shuma e parave që shtetasja në fjalë i kishte marë të moshuarit nën kërcënim se fotot intime do t’ua dërgonte familjarëve, shkojnë deri në 50 mijë euro.

Sipas Kodit Penal të Republikës së Kosovës, kushdo që me qëllim të përfitimit të kundërligjshëm të dobisë pasurore për vete apo personin tjetër, kanos personin tjetër se do të zbulojë detaje në lidhje me të apo personat e afërm të tij që do të dëmtojë nderin apo autoritetin e tyre dhe në këtë mënyrë e detyron personin e tillë të kryejë apo të mos kryejë ndonjë veprim në dëm të pasurisë së tij apo të personit tjetër, dënohet me gjobë dhe me burgim nga gjashtë muaj deri në pesë vjet.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Radoiçiç mori përgjegjësinë për sulmin në Banjskë në 2023, Vuçiç: Ai nuk është kriminel, Kosova shkaktare

Presidenti i Serbisë, Aleksandar Vuçiç, deklaroi se Millan Radoiçiç, i cili ka marrë përgjegjësinë për sulmin e armatosur ndaj Policisë së Kosovës në Banjskë të...
08:42 | 30/06/2026

Kosova emëron gruan e parë atashe të Mbrojtjes në Shqipëri, Fatbardha Osaj merr detyrën në Tiranë

Ministria e Mbrojtjes e Kosovës ka njoftuar se nënkolonelja e FSK-së, Fatbardha Osaj, ka marrë zyrtarisht detyrën si atashe e Mbrojtjes e Republikës së Kosovës...
19:32 | 29/06/2026

U arrestuan për provokimet gjatë Vidovdanit, shtyhet më 1 korrik seanca ndaj 36 serbëve

36 serbët që u paraqitën në Gjykatën Themelore në Prishtinë janë deklaruar të pafajshëm, por një vendim për ta është shtyrë për 1 korrik, në...
17:45 | 29/06/2026