“5 orë shi ra, jo 5 ditë”, revoltohet Sazan Guri: Është sabotim në katror

Ambientalisti Sazan Guri e cilësoi sabotim jo fatkeqësi natyrore situatën e krijuar nga përmbytjet ditën e sotme, veçanërisht në qytetin e Durrësit.

Sipas tij janë shumë faktorë që kanë ndikuar në situatën që u krijua sot dhe kjo jo për faj të reshjeve, sesa për shkak të neglizhencës institucionale.

“Në 2010-‘12 ka pasur përmbytje të tilla kur ka rënë shi me ditë. Veç IGJEUM që e ka paralajmëruar, fatkeqësitë sot nuk janë më natyrore por janë fatkeqësi njerëzore, natyrore quhet kur nuk e njeh natyrën, por sot ka harta, skema, dimë forcën e përmbytjes një herë në 10-20 vjet, si mund ta quash fatkeqësi natyrore. Ne nuk i kemi më pyjet që parandalojnë përmbytjet dhe në Tiranë nuk ka një hapësirë të gjelbër, tani jo vetëm 12-katëshe si në 2012 por kanë shkuar në 45 kate. Hapësira urbane është 100 për qind e zënë, kanalet janë mbushur 50 për qind, pra uji që vjen do dalë jashtë, hidrovorët nuk e hoqën ujin e tepërt 3-4 ditë para. 5 orë shi ra, nuk ra 5 ditë. Sabotim është pak, sabotim edhe në katror”, tha Guri.