505 mijë kontrata sigurimi, 2.7 mld lekë dëme janë paguar në janar-maj

Dëmet e paguara për sigurimin e makinave, pronave dhe shëndetit arritën në 2.7 mld lekë në 5 mujorin e parë, me ulje në krahasim me vitin e kaluar. Ndërkohë, tregu i sigurimeve është zgjeruar me 15% këtë periudhë.

Gjatë muajit janar-maj 2023, dëmet e paguara bruto në tregun e sigurimeve, arritën në rreth 2,7 miliardë lekë, ose 0.3 % më pak se 5-mujorin e parë të vitit 2022.

Kjo ka ardhur kryesisht për shkak të efektit të sigurimit të pronës, si pasojë e përfundimit të pagesave të dëmeve të ngjarjeve të tërmetit të vitit 2019. Pjesa më e madhe e dëmeve të paguara  në këtë periudhë, i përkasin tregut të makinave, në vlerën 1.9 mld lekë. 

Në raportin që shfaq Autoriteti i Mbikëqyrjes Financiare, shihet se vlera e aseteve nga siguracionet arriti në rreth 8.9 miliardë lekë. Sipas dokumentit, gjatë periudhës janar-maj, numri i kontratave të lidhura arriti në 505 000 me rritje 13 %, krahasuar me të njëjtën periudhë të një viti më parë, kur u lidhën 445 mijë të tilla.

AMF vlerëson se tregu mbetet i orientuar tek sigurimet e i makinave dhe pronave, të cilat sollën 92 % të vëllimit të përgjithshëm të primeve, kundrejt 8% që kapin policat për sigurimin jetës

Sigurimi vullnetar zë 46.5 % dhe primet e shkruara bruto të sigurimit të detyrueshëm zënë 53.5 % të totalit të tregut.

LEXONI GJITHASHTU:

• Festa e Kurban Bajramit, besimtarët e vendit falën namazin dhe uruan njëri-tjetrin
• Fshatrat e Shijakut “pushtohen” nga mbeurinat