80 viktima nga dhuna mes sekteve në Pakistan, arrihet armëpushimi shtatë-ditor

Autoritetet pakistaneze thonë se kanë negociuar një armëpushim shtatë-ditor pasi më shumë se 80 njerëz u vranë në dhunën mes sekteve në veriperëndim të vendit.

156 të tjerë thuhet se janë plagosur në tre ditë luftime në rrethin fisnor Kurram, pranë kufirit afgan.

Dhuna filloi të enjten, kur persona të armatosur sulmuan autokolonat e myslimanëve shiitë që udhëtonin nëpër zonë nën shoqërimin e policisë. Më shumë se 40 vdiqën në atë incident, i cili shkaktoi sulme hakmarrëse.

Myslimanët shiitë dhe sunitë janë përfshirë në rivalitete fisnore dhe sektare mbi mosmarrëveshjet për tokën për dekada.

Pas negociatave të dielën, zëdhënësi i qeverisë Muhammad Ali Saif tha se udhëheqësit shiitë dhe sunitë kishin rënë dakord të ndalonin dhunën, raportuan agjencitë e lajmeve Reuters dhe AFP.

Të dielën, një zyrtar i administratës lokale i tha AFP: “Përplasjet dhe sulmet e autokolonave më 21, 22 dhe 23 nëntor kanë rezultuar në 82 viktima dhe 156 të plagosur.”

Duke folur në kushte anonimiteti, ai tha se 16 nga të vdekurit ishin sunitë dhe 66 i përkisnin komunitetit shiit.

LEXONI GJITHASHTU:

• Mbyllen shkollat në qytetin e dytë më të madh të Pakistanit, shkak ndotja e 
• Policia pakistaneze qëllon për vdekje të dyshuarin për fyerje ndaj islamit