57 të vdekur dhe qindra të zhdukur nga përmbytjet në Jemen

Të paktën 57 persona kanë vdekur nga përmbytjet e mëdha në Jemen gjatë ditëve të fundit, njoftoi sot Organizata Ndërkombëtare për Migracionin (IOM), raporton Anadolia.

“Përmbytjet që filluan në fund të qershorit dhe u intensifikuan në fillim të gushtit morën të paktën 57 jetë dhe prekën më shumë se 34,000 familje dhe shumë njerëz u zhdukën ose u plagosën”, tha agjencia e OKB-së në një deklaratë.

Matt Huber, kreu në detyrë i misionit të IOM-it në Jemen, tha se shkalla e fatkeqësisë dhe nevojat humanitare janë “të mëdha”.

“Pa mbështetje të konsiderueshme dhe të qëndrueshme nga donatorët dhe partnerët ndërkombëtarë, aftësia për të përmbushur nevojat e të prekurve do të mbetet shumë e kufizuar”, tha Huber.

Ditët e fundit, përmbytje të mëdha kanë goditur disa provinca, duke përfshirë Al Hudaya, Taiz dhe Hajja, në Jemenin perëndimor.

Sipas Shoqatës së Gjysmëhënës së Kuqe të Jemenit, mijëra njerëz janë zhvendosur nga përmbytjet, të cilat kanë prekur më shumë se 93,000 njerëz.

LEXONI GJITHASHTU:

• Përmbytjet shembin urën në Kinë, 11 të vdekur dhe 30 të zhdukur
• Përmbytje në disa komuna të Kosovë, reshjet e shiut vërshojnë në rrugë, e shtëpi