Përmbytjet shembin urën në Kinë, 11 të vdekur dhe 30 të zhdukur

Njëmbëdhjetë persona kanë vdekur dhe 30 janë të zhdukur pasi një urë autostrade u shemb pjesërisht në provincën Shaanxi të Kinës veriperëndimore këtë mëngjes për shkak të përmbytjeve, thanë autoritetet lokale.

Presidenti kinez Xi Jinping ka bërë thirrje për një përpjekje gjithëpërfshirëse të shpëtimit pas shembjes së një ure që dërgoi disa automjete në lumë, njoftoi agjencia e lajmeve Xinhua.

Xi tha se Kina është në një periudhë kritike në lidhje me përmbytjet dhe se qeveritë lokale duhet të marrin përgjegjësinë për përmirësimin e monitorimit dhe paralajmërimit të hershëm.

Administrata Kombëtare e Zjarrit dhe e Shpëtimit të Kinës njoftoi këtë mëngjes se ka dërguar një ekip shpëtimi që përfshin 859 persona, 90 automjete, 20 varka dhe 41 drone.

Sipas njoftimeve, ekipet e shpëtimit kanë nxjerrë deri tani pesë automjete që kanë rënë në lumë. Ura, e vendosur në rrethin Jashui të qytetit Shanglu, u shemb pasi reshjet e dendura të shiut shkaktuan përmbytje të shpejta, sipas autoriteteve lokale.

LEXONI GJITHASHTU:

• Përmbytje në disa komuna të Kosovë, reshjet e shiut vërshojnë në rrugë, e shtëpi
• Të paktën 9 të vdekur nga përmbytjet në Kinë, pezullohen trenat