Gara e 8’të sezonale ishte e 3’ta e vërteta për Charles Leclerc në Monaco. Heroi i shtëpisë konvertoi të 3’in pole position në Principatë në fitoren e 1’rë në rrugët ku u rrit duke kontrolluar garën që nga xhiro e 1’rë. Piloti monegask është një ndër fituesit e fundjavës që lamë pas në Monte Carlo
Oscar Piastri zhvilloi një nga fundjavat më të mira në karrierën e tij. Australiani siguroi të dytën vijë të 1’rë në nisjen e garës.
Carlos Sainz po bëhej gati për tërheqjen e 1’rë të sezonit pas kontaktit me Piastri’n por flamuri i kuq për incidentin Magnussen-Perez-Hulkenberg dhe rikthimi në vendin e 3’të për rifillimin e garës, i dha mundësi spanjollit ta mbyllte në të njëjtin pozicion duke absorbuar presionin nga Lando Norris.
Yuki Tsunoda vazhdon formën e mirë të fillim sezonit duke lënë sërish pas Daniel Ricciardo’n në provat zyrtare dhe në vendin e 8’të në zonën e pikëve në përfundim të garës.
Alex Albon nuk u penalizua nga pesha e Williams duke arritur për të 1’ën herë në sesionin e 3’të kualifikues dhe të dielën e përfundoi garën në vendin e 9’të duke marrë 2 pikët e 1’ra këtë sezon.
Pierre Gasly u ndje i kërcënuar nga incidentin me Esteban Ocon por ja doli të ruajë makinën dhe pas rifillimit të shkonte vendin e 10’të për pikën e 1’rë sezonale.
LEXONI GJITHASHTU:
