68 mld asete ruse janë ngrirë nga BE, shumica në Belgjikë

Bashkimi Evropian ka ngrirë një total prej 68 miliardë eurosh të aseteve ruse, shumica e të cilave janë në Belgjikë, sipas një dokumenti të brendshëm të Komisionit Evropian të parë nga Politico. Nga një total prej 68 milionë eurosh fonde të ngrira ruse, Belgjika zë 50 miliardë, e ndjekur nga Luksemburgu me 5.5 miliardë euro.

Kur Belgjikës dhe Luksemburgut i bashkohen Italia, Gjermania, Irlanda, Austria dhe Franca, të gjitha ato përbëjnë më shumë se 90 për qind të aseteve të ngrira të qytetarëve rusë në BE.

Megjithatë, Brukseli nuk e di se sa rezerva valutore kombëtare ruse janë të ngrira në Union, sipas kësaj media. Në dokumentin e brendshëm të Komisionit thuhet një shifër e përafërt prej 33.8 miliardë eurosh, por shtohet se “kjo aktualisht është duke u vlerësuar, ndaj nuk jepet shifra e saktë”.

LEXONI GJITHASHTU:

• BE ka ngrirë 17 miliardë euro asete ruse
• Ukraina ngrin asete ruse dhe bjelloruse në vlerë 12 milionë dollarë