English

’72 orë në qeli se dola në kamera’, protestuesi tregon akuzat pas arrestimit

KOMENTE

SHPERNDAJE
ARTIKULLIN

Text sizeAa Aa

Ky është Bislim Lakna, një ndër të arrestuarit nga protesta kundër rritjes së çmimit të naftës. Ai qëndroi në qeli për 72 orë. Për programin “Mirëmëngjes” rrëfen momentin e arrestimit te tij ditën e parë të protestës.

- Advertisement -

“Në momentin që u arrestuam ishim duke iku nga protesta. Ndërkohë në komisariat na u vunë 4 akuza, mosbindje, organizim proteste, prishje e qetësisë dhe rendit, bllokim rruge”, tregon ai.

Po si e priti familja e tij arrestimin nga policia?

“Ka ndodhur edhe herë të tjera dhe familja disi është mësuar, por shqetësimi ka qenë sigurisht”, tha i riu.

Sipas tij ai duhej të lirohej para 72 orëve, por kjo nuk ndodhi. “Po prisja që të mbyllej letra e lirimit dhe të dilja nga komisariati. Më thërret lart një oficer dhe më thotë, 5 nga ju keni në dalë në kamera dhe kemi urdhër nga lart që t’u mbajë 72 orë”, shprehet ai.

Bislimi është shpërndarës ushqimi me motor në Tiranë, por si kryefamiljar ai e ka të vështirë përballojë rritjen e çmimeve.

“Unë kam familje të re dhe rritja e çmime ndikon në xhepin tim”, shprehet ai.

Gjithmonë i angazhuar ndaj kauzave sociale ai është aktivist dhe pjesëmarrës në shumë protesta.
Bislimi na tregon planet e tij pas lirimit dhe se është gati sërish për tu bashkuar zërit të qytetarëve kundër rritjes së çmimeve, ndërsa bëhet gati për protestën e radhës.

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×