90 km për një seancë, 55-vjeçarja nga Berati udhëton dy herë në muaj drejt Tiranës

Ka dy orë që pret bashkëshorten për të përfunduar seancën e kimioterapisë. Rakip Hoxha së bashku me gruan e tij, Veziko Hoxhën duhet të vijnë thuajse dy herë në muaj në Tiranë për të marrë trajtimin mjekësor pranë Onkologjikut kjo pasi spitali i Beratit nuk ia ofron.

“Në Berat nuk i bëjnë analizat. Bridh ne, bëj analizat andej, bëj analizat këtej. Sorollatje, një herë dalin rruazat e bardha të ulëta, përkeqësohet, shtyj datën.”- Rakip Hoxha, Bashkëshorti i pacientes në onkologjik.

Mundësitë janë të pakta, duhet t’i bëjnë mirë llogaritë se si me 14 mijë lekë të reja duhet të paguaj rrugën, ilaçet dhe çfarë mbetet për tu ushqyer.

‘”Skanerin e bëmë në privat 410 mijë lekë, e bëmë në shtetëror ishte pa vlerë. Ajo merr 30 kokrra 76 mijë lekë. Me borxh ku t’i gjejmë t’i japim. Sa ka shkuar në total? Eh kush e llogarit atë sa ka shkuar, sa do shkojë thuaj”- shton ai.

Shumica e pacientëve janë të detyruar të vijnë nga rrethet për t’iu drejtuar spitaleve të Tiranës kjo për shkak të mungesës së mjekëve, infermierëve, por edhe të medikamenteve.

LEXONI GJITHASHTU: 

• Protestat e vazhdueshme në Iran, një tjetër sportist drejt ekzekutimit
• Borrell: Plani franko-gjerman mbështetet nga të gjitha vendet e BE-së
• ‘Bomba’ e avokatit: Kush do të shpallet ‘non grata’ shumë shpejt