900 euro paga mesatare, e realizueshme? Civici: Vendim i shumëpritur

Eksperti i ekonomisë Ardian Civici komentoi në një intervistë për Euronews Albania premtimin e kryeministrit Edi Rama për rritjen e pagës minimale në 900 euro.

Civici u shpreh se ky është një vendim i shumëpritur për të vlerësuar më shumë punën në raport me të ardhurat e tjera.

“Është një vendim pozitiv, i pritshëm prej shumë kohësh i domosdoshëm për të gjitha kategoritë dhe strukturën e pagave në sektorin publik dhe si nxitje dhe detyrim për sektorin privat. Niveli i pagave më shumë se një politikë sociale varet nga produktiviteti i ekonomisë dhe mundësitë financiare që ka çdo vend për ta zbatuar. Në Shqipëri prej vitesh ka pasur një handikap lidhur me niveli ne pagave jo vetëm krahasueshëm me vende që kanë performancë të ngjashme ekonomike me Shqipërinë. Nga çdo këndvështrim është vendim i shumëpritur dhe besoj se do jetë një politikë më strukturore për të vlerësuar më shumë punën në raport me të ardhurat e tjera”, tha Civici.

LEXONI GJITHASHTU:

• 900 euro paga mesatare, e realizueshme? Civici: Vendim i shumëpritur
• Rama: Në harkun e dy viteve, paga mesatare rritet në nivelin 900 euro