“Basha ka ardhur në PD si mik i fëmijëve të Berishës”, thotë analisti Çupi

Lulzim Basha ka ardhur në Partinë Demokratike si lider për shkak të miqësisë së tij me fëmijët e Sali Berishës, tha në emisionin “Now” analisti Frrok Çupi.

Analisti tha për Lulzim Bashën se nuk është zgjedhur, nuk është verifikuar dhe as ka kontribuar më përpara për t’u bërë pjesë e skenës politike.

Për Frrok Çupin, marrëdhënia midis ish-kryeministrit Berisha dhe z. Basha është sentimentale dhe jo politike apo ligjore.

“Sentimenti e nisi, me sentimente erdhën gjatë gjithë rrugës dhe z. Berisha qëndron përsëri në fushën e sentimentit, ai thotë: Më ka tradhtuar”, u shpreh z. Çupi.

Frrok Çupi tha se trazirat aktuale në Partinë Demokratike vijnë për arsye se gjërat nuk janë ndërtuar mbi bazën e së drejtës.

LEXONI GJITHASHTU:

• Arben Ristani për përjashtimin e Berishës: Vendim jo-statutor dhe ligjërisht ‘nul’
• Evi Kokalari: Basha është pjesë e një liste të zezë në SHBA