Juristi Lapaj: Me programin e ri, qeveria pritet të vendosë ‘patronazhistë’ në sistemin e drejtësisë

Juristi Adriatik Lapaj e cilësoi programin e ri qeverisës më shumë deklarativ sesa i fokusuar në çështje konkrete që priten të bëhen.

Sipas tij, ishte një program i marrë dhe i përpunuar mbi të njëjtin material të viteve të shkuara.

Ai theksoi se është shumë e nevojshme që të bëhen ndryshime në Kodin Penal, pasi në të është ndërhyrë shumë herë.

Juristi tha se tek programi qeverisës nuk i pëlqeu krijimi i “Rrjetit të Koordinatorëve Kundër Korrupsionit”, të cilin e quajti një sistem ‘patronazhisti’ në drejtësi.

“Mbivendosja e institucioneve krijon gjithmonë rezultate të dyshimta, dështime të mëdha”, u shpreh juristi.

Ai shtoi se rreth 55% e magjistratëve në sistem po dalin prej tij, për shkak të shkarkimit nga Vettingu ose përmes dorëheqjeve.

Juristi nënvizoi se duhen magjistratë të rinj, por tek kjo pjesë duhet të fokusohen tek cilësia në zgjedhjen e tyre.

LEXONI GJITHASHTU:

• Kuvendi miraton me 77 vota pro kabinetin qeveritar dhe programin qeverisës
• Debate e ironi mes Ramës dhe Bashës në Parlament