Rama pranon ftesën e Kurtit për të vizituar Kosovën

Kryeministri i Kosovës Albin Kurti, i ka një dërguar letër urim Edi Ramës, me rastin e zgjedhjes për herë të tretë kryeministër i Shqipërisë.

Kurti thekson se ky mandat i tretë, i cili vjen në një kohë plot sfida është po ashtu mundësi e tretë për të realizuar projekte të cilat kaherë priten nga shqiptarët në të dy anët e kufirit.

Ai ka shprehur gatishmërinë e tij të plotë dhe të Qeverisë së Kosovës për rritjen e bashkëpunimit ekonomik, shkëmbimit tregtar dhe integrimin e tregut, duke hequr barrierat mes shqiptarëve.

“Ky mandat i tretë është po ashtu mundësi e tretë për të realizuar projekte të cilat kaherë priten nga shqiptarët në të dy anët e kufirit. Rritja e bashkëpunimit ekonomik dhe e shkëmbimit tregtar dhe integrimi i tregut duke hequr barrierat mes shqiptarëve në radhë të parë paraqesin mundësi të shkëlqyer, për realizimin e të cilave qeveria ime dhe unë mbetemi në gatishmëri të plotë”, shkruan vec të tjerash Kurti.

Në letrën e tij, kryeministri Kurti e ftoi kryeministrin Rama të vizitojë Kosovën për të diskutuar rreth përgatitjeve për mbledhjen e përbashkët të të dy qeverive.

“Në Shqipëri, Kosova dhe shqiptarët kudo në rajon e në botë shohin më shumë se përkrahësin e natyrshëm në promovimin dhe mbrojtjen e të drejtave dhe zhvillimit të gjithmbarshëm të tyre.

Duke ju uruar suksese gjatë mandatit tuaj qeverisës dhe me kënaqësinë që shkëlqesia juaj të vizitojë Kosovën në një kohë të përshtatshme për Ju, e të fillojmë përgatitjet për mbledhjen e përbashkët të të dy qeverive, pranoni përshëndetjet më të sinqerta dhe konsideratën më të lartë”, shprehet Kurti.

Kryeministri i Shqipërisë, Edi Rama i ka kthyer përgjigje të shpejtë ftesës që i bëri Kurti për të vizituar Kosovën.

Kreu i qeverisë, teska e falënderoi Kurtin u zotua në “twitter” se dy qeveritë do bashkëpunojnë ngushtësisht për të bërë punë të mira në interes të qytetarëve të të dyja shteteve.

“Faleminderit Albin Kurti! Patjetër do ta vizitoj me shumë kënaqësi Kosovën, me t’u kthyer nga Asambleja e OKB! Uroj me gjithë zemër dhe kam besim se do të bëjmë plot punë të mira në dobi të të dy shteteve”, shkroi Rama.

LEXONI GJITHASHTU: 

• Kurti konfirmon për Euronews Albania se Kosova nuk merr pjesë në ‘Open Balkan’
• Rama mesazh Kosovës: ‘Open Balkan’ nuk ka kontradiktë me Procesin e Berlinit