Skënder Brataj drejt shërimit, drejtori i i urgjencës ishte infektuar me COVID-19: Mendoj se ia dola

Drejtori i Urgjencës Kombëtare, Skënder Brataj që u prek nga COVID-19, në një postim në Facebook shprehet se është gati për të rifilluar punën, por më parë është në pritje të testit për të konfirmuar se e ka fituar luftën me koronavirusin.

“Unë mendoj se ja dola falë mbështetjes tuaj dhe vullnetit që kam për ta mposhtur COVID-19”, – thotë Brataj.

“Një falenderim të gjithë juve, që asnjëherë nuk më keni lënë vetëm në këto ditë të sëmundjes, izolimit dhe karantinës. E di që nuk kam mundur t’ju përgjigjem dot të gjitha mesazheve tuaja sepse janë të shumta, prandaj ju falenderoj dhe ju vë në dijeni se gjendja ime shëndetësore është më e mirë dhe shpresoj të jetë negative prova e tamponit.

Unë mendoj se ja dola falë mbështetjes tuaj, terapisë, dëshirës dhe vullnetit që kam për ta mposhtur COVID-19. Gati, për të rifilluar përsëri betejën me këtë armik të padukshëm, por që tani e njohim më shumë se një muaj më parë, kur u paraqit para nesh”, shkruan ai.

Mund të lexoni gjithashtu:

Skënder Brataj tregon si po i përjeton simptomat e coronavirusit dhe ilaçet që po përdor

Pas kreut të Urgjencës Kombëtare, COVID-19 prek edhe shefin e Shërbimit të Mikrologjisë në QSUT