Artisti dhe dialogu, Albien Alushaj rrëfen ndryshimet e dy ambienteve kulturore 

Në një rrëfim për “Kult”, vjen piktori Albien Alushaj që karrierën e tij si piktor e zhvillon në Firence. Edhe pse në një ambient tjetër, ai ndjek me vëmendje zhvillimin e jetës kulturore në Shqipëri. 

Të kthehesh në Tiranë dhe ta gjesh atë të ndryshuar, dhe vendet ku ke kaluar momentet e bukura të mos të risjellin kujtimet, këtë përjetim ka sa herë kthehet në vendlindje piktori Albien Alushja, që karrierën e zhvillon ne Firence të Italisë.

Gjatë qëndrimit këtu, nuk heq dorë nga piktura, dhe vëmendjen pareshtur e ka tek zhvillimi i hapësirës së artit.

“Qasja me periferinë duhet të jetë një proces që duhet filluar sa më shpejt, sepse siç e shikoni Tirana ka edhe një identitet tjetër dhe mendoj se ky identitet përfaqësohet simbolikisht edhe nga arkitektura. Vura re që nuk kishte më atë identitet”, tha ai.

Bisedën e zhvillojmë në tarracë, dhe jo në një vend më të këndshëm, sepse Albi mesazh kryesor ka kthimin e vëmendjes tek pjesa periferike e kryeqytetit, ku komunikimi duket i rrallë.

“Nuk është vetëm Sahati, pjesë e identitetit të Tiranë, nëse ne mendojmë të zhvillojmë dhe të shikojmë një Tiranë pas disa vitesh, unë që tani nuk e shikoj një Tiranë siç ka qenë para disa vitesh”, shtoi ai.

Çdo pikturë e tij lidhet me Shqipërinë. Sot jo vetëm në Shqipëri, por edhe në Firence vazhdon të diskutohet statusi i piktorit.

Në tarracën e pallatit të tij, ka shfaqur disa punime, ndonëse në Shqipëri e ka pasur të vështirë të pikturonte tablo.

Sa ndryshon kultura artistike në Firence me atë në Tiranë? Kur vjen puna te statusi i artistit duket se lufta mbetet e përbashkët dhe se dialogu i shëndetshëm nuk mund të kuptohet dhe as arrihet pa punën, dialogun dhe debatin e shëndetshëm, që niset gjithmonë nga arti.