Talebanët premtojnë paqe e siguri, aktivistët të shqetësuar mbi respektimin e të drejtave të grave

Një anëtar i talebanëve në Kabul deklaroi këtë të diel se në vend nuk do të ketë më plaçkitje, ndërkohë që një aktiviste për të drejtat e grave në Afganistan shprehu keqardhjen për shkrirjen e Ministrisë së Punëve për Gratë.

“Duam t’i sigurojmë të gjithë bashkëkombësit se epoka e plaçkitjeve ka përfunduar totalisht. Duam t’i sigurojmë vëllezërit tanë që do të mbizotërojë rendi dhe siguria. Duam t’i bëjmë thirrje të gjithëve që mos të preokupohen më për plaçkitësit,” – tha Qari Ilyas, anëtar i talebanëve.

Talebanët morën pushtetin vetëm pak kohë pasi ushtria amerikanë u largua nga Afganistani në fund të gushtit, dhe që atëherë janë zotuar se pushteti i tyre do të shërbejë për të risjellë rendin dhe paqen pas shumë dekadave lufte. Megjithatë jo të gjithë e kanë mirëpritur rikthimin në pushtet të militantëve.

Gazetarja dhe aktivistja e të drejtave të grave, Sodaba Naseri tha se shkrirja e ministrisë së Punëve për Gratë është shqetësuese.

Zyrtarët talebanë deklaruan se gratë do të mund të punojnë dhe studiojnë brenda kuadrit të lejuar nga ligji i Sharias. por kjo ka ngritur dyshime mbi mundësinë që do të kenë gratë në Afganistan për të ruajtur vendet e tyre të punës.

Herën e fundit që talebanët ishin në pushtet nga viti 1996 deri në vitin 2001, grave nuk i lejohej punësimi apo arsimimi.

LEXONI GJITHASHTU:

• Talebanët vendosin rregulla të reja për studentet
• Marrëdhëniet me talebanët, Borrell: BE, përfaqësi diplomatike në Kabul
• Talebanët u ndalojnë vajzave rikthimin në shkollat e mesme