Policia arreston 26-vjeçarin, qarkullonte me armë zjarri në qytet

Policia e Durrësit ka arrestuar një 26-vjeçar, banues në Shijak pasi u kap me armë zjarri dhe kokainë.

Eraldo Vora po lëvizte me mjetin e tij tip “Audi” në momentin që policia i ka kontrolluar makinën.

Nga njoftimi i policisë bëhet me dije se u kapën një armë zjarri pistoletë, 1 krehër dhe 10 fishekë. Më pas në banesën e tij u gjet rreth 14 gramë kokainë dhe sende të tjera të kundraligjshme.

“Gjithashtu, në banesën e këtij shtetasi u konstatua lidhje e paligjshme e energjisë elektrike,” – thuhej në njoftim.

Policia e Durrësit i ka kaluar materialet e sekuestruara pas përfundimit të operacionit “Sallmone” në Prokurori për të vijuar hetimet.

LEXONI GJITHASHTU: 

• Në pranga 8 shoferë, 46 patenta të pezulluara nga policia në një ditë
• Policia arreston 31-vjeçarin që vrau ish-gruan, ishte fshehur në pyll
• Policia hap 500 vende të reja për Patrullë të Përgjithshme