Premier League në Kinë, propozohet ideja për të mbyllur kampionatin jashtë Anglisë

Për të folur për futboll në këto ditë duket e vështirë, e më e vështirë akoma duket për të parë sërish skuadrat që zbresin në fushë.  COVID-19 ka pezulluar çdo lloj aktiviteti dhe duket e pasigurt nëse sezoni futbollistik do ketë mundësinë që të përfundojë dhe të japë verdiktet përfundimtare.

Por, nga Anglia vjen një ide mjaft interesante. Sipas asaj që shkruajnë mediat britanike, është propozuar që kampionati të luhet në Kinë duke marrë parasysh faktin që ky vend deri më tani ka arritur që të fitojë betejën kundër coronavirusit.

Gjithsesi, kjo mbetet thjesht një hipotezë pasi akoma nuk ka diçka konkrete por njëkohësisht duket edhe si e vetmja mënyrë për të luajtur të gjitha ndeshjet e mbetura. Megjithatë, duhet parë që vendimi që do marrë Federata Angleze e Futbollit pasi deri më tani është e sigurt që as në muaj prill nuk do ketë futboll.

Kjo situatë ka shkaktuar gjithashtu edhe probleme financiar dhe kjo ka detyruar klubet që pas konsultimit edhe me drejtuesit e Premier League të reduktojnë me 30 për qind pagat për futbollistët dhe pjesëtarët e tjerë të stafit.