Marrëveshja për targat Kosovë-Serbi, Haxhiu: Qeverisja e VV-së na turpëroi

Marrëveshja e arritur për targat në Bruksel mes Kosovës dhe Serbisë nxiti debat mes dy anlistëve në “Shock”.

Baton Haxhiu u shpreh kritik për qeverisjen e Kurtit, e cila sipas tij në gjashtë muaj qeverisje nuk ka bërë asgjë tjetër, përveçse ka turpëruar Kosovën.

“Për gjashtë muaj na turpëroi qeveria e Vetëvendosjes sa nuk krahasohet me asgjë tjetër.”, tha ai.

Andi Bushati thotë se ka ikur koha kur Serbia kërkonte lëshime për t’u ulur në tryezën e dialogut në Bruksel.

“Unë vazhdoj të qëndroj në pozita maksimaliste dhe them periudha kur Serbisë i duhej dhënë diçka për të vijuar dialogun ka përfunduar”, tha ai në emisionin “Shok” në Euronews Albania.

Ai pohoi se qasja e ndjekur nga Vetëvendosje është qasje e duhur me rrethanat ku ndodhet Kosova në raport me Serbinë.

“Për sa kohë qeveria e VV-së do ketë këtë qasje, unë do ta mbështes, kur të bëhet si këta të tjerët unë nuk do ta mbështes”, shtoi ai.