Radhë për pensionet, të moshuarit: Paratë nuk na i dërgojnë në shtëpi

Pavarësisht premtimit të kryeministrit se pensionistëve do t’ju shkojë pensioni në shtëpi dhe nuk duhet të dalin për asnjë arsye nga banesa, kjo ishte situate mëngjesin e sotëm në pikën ku shpërndahen pensionet në Kombinat.

“E kisha për ta marrë në datën 3 nuk me ka ardhur. Kam bërë aplikimin nuk ma kanë sjellë”, shprehet një pensioniste, e cila po pret të marrë paratë në zyrën e Postës Shqiptare.

Por ka edhe nga ata që për shkak të moshës dhe mungesës së njohurive nuk e bëjnë dot aplikimin online.

Euronws Albania u interesua edhe pranë Postës Shqiptare por nuk na u dha asnjë shpjegim për situatën e krijuar, ndërsa përgjegjësja e zyrës postare në kombinat nuk pranoi të prononcohej përpara kamerës pavarësisht insistimit tonë.