Dyshohet për 40 raste me COVID-19 në një anije të marinës franceze

Ministria e Mbrojtjes së Francës ka njoftuar se të paktën 40 marinarë në bordin e aeroplanmbajtëses kanë shfaqur simptomat e coronavirusit të ri.

Anija, Charles De Gaulle, u kthye në port për shkak të një frikë të mundshme të përhapjes së COVID-19.

Përmes një deklarate, Ministria e Forcave të Armatosura shtoi se “rreth 40 marinarë janë nën mbikëqyrjen e mjekëve”.

Marina Franceze dhe komanda e aeroplanmbajtëses po monitorojnë nga afër zhvillimin e gjendjes shnëndetësore të marinarëve, thuhej në deklaratë.

Zëdhënësja e qeverisë franceze Sibeth Ndiaye shtoi se pacientët e dyshuar janë “vënë në izolim si masë paraprake”. 

Suspicion de cas #Covid19 à bord du porte-avions Charles de Gaulle :

▶️ Une quarantaine de marins sous observation médicale renforcée

▶️ Renforcement des mesures sanitaires déjà mises en place pic.twitter.com/8We8vb5zLj

— Ministère des Armées (@Armees_Gouv) April 8, 2020

Një ekip mjekësh të pajisur me kite testimi kanë hipur në bordin e Charles De Gaulle për të konfirmuar nëse anëtarët e ekuipazhit janë infektuar dhe për të parandaluar mundësinë e një rreziku të përhapjes së virusit.

Grumbullimet në anije kanë qenë të kufizuara dhe procedurat shëndetësore, duke përfshirë edhe dezinfektimin e ambienteve të përbashkëta janë përforcuar.

Anija përmban edhe helikopterë të cilët mund të vihen në përdorim për të evakuuar pacientë nëse do të jetë e nevojshme, deklaruan autoritetet e ministrisë.

Në anije ndodhen më shumë se 1,700 anëtare ekuipazhi.

Aeroplanmbajtësja ishte nisur për një mision në Oqeanin Atlantik por do të kthehet menjëherë në bazë.

Lexoni gjithashtu: 

Macron dëgjon kërkesat e mjekëve në një qendrën shëndetësore

Shifra pozitive në Spanjë e Itali, ndërkohë që Franca sheh 1400 të vdekur për 24 orë