Ish-anëtari i Komitetit të Nobelit për Letërsinë: Surprizë, nuk kisha dëgjuar kurrë për shkrimtarin nga Tanzania

Ish-anëtari i Komitetit të Nobelit për Letërsinë, Kristoffer Leandoer është shprehur në një intervistë për Euronews Albania se Akademia Suedeze ka befasuar sërish me çmimin e fundit për letërsinë.

Z. Leandoer tregoi se nuk e kishte dëgjuar asnjëherë emrin e shkrimtarit Abdulrazak Gurnah nga Tanzania, që fitoi çmimin Nobel në Letërsi.

“Nuk e kisha dëgjuar kurrë më parë emrin e tij. Mendoj se është e mrekullueshme. Mendoj se kjo është mënyra sesi duhet të funksionojë. Akademia ia doli të na befasojë, sërish, gjë e cila është shumë e mire”, u shpreh ai.

Para se të shpallej emri i fituesit, z. Leandoer na tregoi për pritshmëritë dhe parashikimet e veta.

“Do të hamendësoja për një shkrimtar norvegjez. Mendoj ndoshta Karl Ove Knausgard, dramaturgu Jon Fosse ose autori më pak i njohur novelisti Dag Solstad”, tha ai.

“Mendoj se çmimi do i shkojë një burri, mendoj se do i shkojë një novelisti, sepse vitin e shkuar i shkoi një gruaje dhe ishte poete”, pohoi ai më tej.

LEXONI GJITHASHTU:

• Romancieri nga Tanzania fiton Çmimin Nobel në Letërsi
• Çmimi Nobel në Kimi ndahet mes dy shkencëtarëve
• Një Nobel për mjekët italianë, rrëfim për ditët e para të pandemisë dhe si e përballuan situatën e emergjencës