Ndihmë për Luginën e Preshevës, Basha i kërkon qeverisë t’i ofrojë asistencë shëndetësore

“Për situatën e veçantë ku ndodhen, i bëj thirrje qeverisë të ofrojë asistencë shëndetësore përmes personelit mjekësor. Ndihma për vëllezërit dhe motrat tona atje është detyrim kombëtar dhe kushtetues” – shkruan Basha.

Dy ditë më parë në një intervistë për Euronews Albania, nënkryetari i komunës së Preshevës, Armend Aliu u bëri thirrje Shqipërisë dhe Kosovës t’i ndihmojnë në këto ditë të vështira, ndërsa theksoi se nuk kanë marrë asnjë mbështetje nga Serbia.

“Ne që jetojmë në kufi na është dashur ta ruajmë identitetin tonë më me fanatizëm. Vëllezërit e mi nuk ma lejojnë të kërkoj mëshirë dhe të ankohem, por thjesht si përkujtues për Kosovën dhe Shqipërinë se ne e meritojmë një vëmendje pak më të madhe. Ky do të ishte mesazh pozitiv për shqiptarët nëse ajo vëmendja do të materializohet. Nuk po flas për ndihma me artikuj ushqimorë, por ndoshta me burime njerëzore ndoshta në ngritjen e vetëdijes shëndetësore”, tha ai.

Lexoni gjithashtu:

Të vetëm përballë COVID-19, nënkryetari i komunës së Preshevës: Shqipëria dhe Kosova nuk na kanë ndihmuar