Pagat e policëve, Çuçi: Projekt për Policinë e Shtetit për të marrë të ardhura pa cenuar buxhetin e shtetit

Ministri i Brendshëm, Bledi Çuçi renditi masat me të cilat sipas tij do të parandalohen shkeljet në qarkullimin rrugor.

Pas mbledhjes së qeverisë, ministri deklaroi se aktualisht qëllimi kryesor është që të forcojnë forcën ndëshkuese në lidhje me të gjithë shkelësit në qarkullimin rrugor.

Z. Çuçi nënvizoi se “fokusi është mënjanimi i çdo subjektivizmi që vjen nga marrëdhënia e policit me shkelësin duke futur teknologjinë”.

“Do ketë rreth 110 smartphone në duart e punonjësve të policisë, sa të evidentohet shkelja do të emetohet edhe gjoba. Apo blerjen e 6 radarëve që evidentojnë çdo shkelje që lidhjet me shpejtësinë në qarkullim. Gjoba shkon në qendër operative pa pasur negociata mes shkelësit dhe policit”, u shpreh ai.

Sa i përket rritjes së pagave për punonjësit e policisë, z. Çuçi tha se edhe për këtë gjë po mendohet por theksoi se pritet realizimi i një projekti, i cili mund të rrisë të ardhurat e Policisë së Shtetit.

“Jemi duke menduar edhe ketë gjë. Por, ne kemi një projekt i cili do të krijojë mundësi për Policinë e Shtetit që të marrë të ardhurat me shërbimet që bën në mënyrë që shpërblejë vetë trupën e saj. Po i shohim këto mekanizma pa cenuar edhe buxhetin e shtetit”, tha më tej ministri.

LEXONI GJITHASHTU:

• Eksperti i sigurisë: Të hapim një diskutim nëse duhet mbajtur apo shkrirë Policia e Shtetit
• ‘Kanabizimi, projekt politik’, deputeti Salianji: Emërime pa kriter në Policinë e Shtetit