100-ditëshi i policisë, Durrësi dhe Shkodra më të suksesshmit, në Tiranë Komisariati nr. 1

14 Tetor 2021 | 16:30

100 ditë pas ultimatumit të kryeministrit Edi Rama për policinë e shtetit, në vend janë regjistruar 12 vrasje me 13 viktima ose 7 më pak se për të njëjtën periudhë të një viti më parë.

Por cila është përformanca e uniformave blu për këtë periudhë kohore?

Matës i rezultateve për secilën drejtori u caktua me prioritet, arrestimi i personave në kërkim, kapja e armëve dhe operacione të finalizuara.

Euronews Albania ka mbledhur këto rezultate ku kryeson Policia e Durrësit, ndjekur nga Tirana e më pas Shkodra. Më pak rezultative janë qarqet si Elbasani, Lezha dhe Fieri ku 100-ditëshi nuk duket se ka sjellë ndonjë ndryshim apo ritëm të ri. Fieri rezulton qarku më problematik referuar vrasjeve, pasi në 3 muaj në të janë regjistruar 4 të tilla.

Sa i takon komisariateve në Tiranë, ku është edhe përqendrimi me i madh i forcave policore në bazë të të dhënave të bëra publike gjatë 100-ditëshit, vendin e parë e mban Komisariati 1, me 32 persona në kërkim të arrestuar, 5 operacione të finalizuara dhe 10 armë zjarri të sekuestruara. Në vend të dytë për nga rezultatet vijnë komisariate si 2 dhe 6.

Rezultatet e arritura në 100 ditë afat janë kërkuar nga titullari i ri i policisë së shtetit, Gledis Nano për të analizuar punën e gjithsecilit drejtues. Bashkë me vlerësimet e punës, kryepolici do të vendosë vazhdimësinë e secilit prej drejtuesve pjesa më të madhe e të cilëve janë emra të ricikluar prej vitesh në radhët e uniformave blu.

 

Home Kryefaqja
Shiko në: YouTube
Lajme të Sugjeruara

“Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë

Ky është mesazhi që kanë shpërndarë në WhatsApp punonjësit e Policisë së Shtetit, të cilët, për shkak se nuk përdorin rrjete sociale, kanë zgjedhur këtë...
12:48 | 04/06/2026

Lamallari për ngjarjen në Maliq: Do të bëhet vlerësim i plotë dhe do të merren masat e duhura

Ministri i Punëve të Brendshme, Besfort Lamallari, reagoi në seancën plenare të Kuvendit lidhur me ngjarjen e rëndë të ndodhur në Maliq, ku humbi jetën...
12:13 | 04/06/2026

SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur

Prokuroria e Posaçme lexoi konkluzionet përfundimtare për një fraksion të dosjes “Revanshi”, me të pandehur Aldo Avdyli, Edson Jozwik, Henerigert Mitri, Altin Morina, Jozi Kraja,...
12:12 | 04/06/2026