Mjeku Dasho: I papranueshëm hezitimi i deputetëve për t’u vaksinuar, dëm për shëndetin publik

Mjeku Erion Dasho u shpreh për Euronews Albania se është pro vaksinimit anti-COVID, por jo me detyrim.

“Jam kundër vaksinimit me detyrim dhe ndonëse jam në një ndër promovuesit më të fuqishëm të nevojës për t’u vaksinuar”, u shpreh z. Dasho teksa foli për situatën epidemiologjike në Shqipëri.

Ai e cilësoi si të papranueshme hezitimin e disa deputetëve për t’u injektuar.

“Unë mendoj që është skandal që në parlamentin shqiptar të ketë deputetë ende të pavaksinuar. I bëjnë një dëm shumë të madh opinion publik dhe shëndetit publik. Deputeti duhet të jetë një shembull i masave të shëndetshme”, u shpreh ai, teksa shtoi se vaksinimi me detyrimim nuk është produktiv dhe është masa më pak e nevojshme në këtë kohë pandemie.

LEXONI GJITHASHTU:

• Pedagogu Shaqiri: Duhet një strategji më e mirë për vaksinimin me detyrim të studentëve