Berisha i përgjigjet Bashës nga ‘Foltorja’ e Dibrës: Ti ke numëruar vetëm humbje

Ish-kryeministri Sali Berisha, takimin e radhës e zhvilloi me qytetarët e Dibrës.

Nga “Foltorja” e tij ai iu përgjigj deklaratave të kryedemokratit Lulzim Basha se është “Bashë dhe Hot” me një batutë, duke i kujtuar se në karrierën politike ka numëruar vetëm humbje.

“Edhe Bashët edhe Hotët kanë pasur burra të penës dhe pushkës që kanë shkuar nga fitorja në fitore, po ti zotëri nuk numëron asgjë tjetër veç humbje, humbje dhe beteja të dorëzuara, për të mos thënë që si tek Bashët dhe Hotët e te çdo familje, besëpreri është e dini vetë, s’po flas”, tha ish-kryeministri Berisha.