Soreca për Euronews Albania: BE të mbajë premtimet për Shqipërinë dhe RMV-në për negociatat

Ambasadori i Bashkimit Europian në Tiranë, Luigi Soreca deklaroi për Euronews Albania se tashmë është radha e BE-së që të mbajë premtimet për Shqipërinë dhe RMV për negociatat, pasi kushtet janë plotësuar.

“Shqipëria ka treguar, ka dhënë rezultate dhe tani është koha që BE të mbajë premtimin e vetë. Shtetet anëtare të lexojnë raportin dhe të gjejnë në raport pikat e forta për të kaluar tashmë atë çështje dypalëshe që kanë mbetur dhe  që të lejohen që Shqipëria dhe Maqedonia e Veriut të ulen në atë tryezë, në të cilën e meritojnë që të ulen se i kanë arritur gjërat që është kërkuar prej tyre”, u shpreh ambasadori gjatë prezantimit të progres-raportit të KE-së, ku ishte i pranishëm edhe kryeministri Edi Rama.

Ambasadori shtoi se “Shqipëria po integrohet dhe qytetarët po integrohen në BE dhe në sajë të shkëmbimeve të frytshme që ndodhim me anën e asistencës financiare të BE”.

Ndërsa kryeministri Rama theksoi se është BE në rast, ajo që nuk po arrin rezultate.

Të martën, nëpërmjet progres-raportit, KE i dha një vlerësim pozitiv Shqipërisë dhe reformave të ndërmarra gjatë vitit të fundit.

Sipas KE-së, Shqipëria ka shënuar përparim në fushën gjyqësore dhe ka vazhduar zbatimin e reformës gjithëpërfshirëse gjyqësore. Në raport parti edhe kritika ka sa i përket sulmeve verbale, fushatave të shpifjes dhe kërcënimeve ndaj gazetarëve.

LEXONI GJITHASHTU:

• Raporti i KE: Shqipëria shënon progres në reforma