Kreu i grupit të Lazaratit, Gate Mahmutaj ndahet nga jeta pak ditë pas lirimit me kusht

Gate Mahmutaj, i dënuar si kreu i grupit të kultivimi të kababisit në Lazarat, ka ndërruar jetë në banesën e tij, gjashtë ditë pas lirimit me kusht.

Mahmutaj u arrestua nga policia e shtetit në vitin 2014 në kuadër të aksionit për asgjësimin e hashashit në fshatin famëkeq të kultivimit të kanabisit.

Ai ndodhej prej disa vitesh në qeli, pasi u dënua me 12 vite burg.

Sipas policisë Mahmutaj vuante nga një sëmundje e rëndë dhe vetëm një javë më parë ishte nxjerrë nga qelia duke u dërguar pranë familjes për të kaluar ditët e fundit.

Fillimisht ai u transportua në spitalin e burgut, por më pas mjekët urdhëruan nxjerrjen e tij nga ky spital, pasi nuk kishte më shpresa për jetën.