Vettingu i politikanëve, Soreca: Ende nuk e kam lexuar propozimin e PD-së në Kuvend

Ambasadori i BE-së në Shqipëri Luigi Soreca tha për Euronews Albania se ende nuk e ka lexuar propozimin e opozitës që është dorëzuar në Kuvend sa i takon Vettingut të politikanëve, ndryshimit të hartës territoriale dhe Kodit Zgjedhor.

“Tashmë opozita është kthyer në parlament, do diskutohet midis mazhorancës dhe opozitës,” – deklaroi Soreca.

Nëse Berisha vjen në krye të Partisë Demokratike a do të kishte bashkëpunim me këtë parti? Ambasadori tha se me këdo dhe kurdo BE është gati për bashkëpunim, raporton korrespondenti i Euronews Albania Xhensil Shkëmbi.

Ndërsa sa i takon Agjencisë për Media dhe Informim Soreca deklaroi se është roli kyç i medias dhe gazetarëve të marrin pjesë në aktivitetet që zhvillon çdo institucion.

Luigi Soreca ishte i pranishëm në aktivitetin e mbajtur në Korçë ku drejtues të pushteteve lokale në juglindje dhe atyre të Maqedonisë zhvilluan një aktivitet së bashku.

LEXONI GJITHASHTU:

• Harta e re gjyqësore, Soreca: Ka disa dosje të rëndësishme që duhet të trajtohen urgjent
• Soreca: Progres-raporti konfirmoi se Shqipëria i ka përmbushur kushtet
• Soreca për Euronews Albania: BE të mbajë premtimet për Shqipërinë dhe RMV-në për negociatat