Agjencia shëndetësore e BE-së: Sezoni i gripit mund të jetë i rëndë për të moshuarit

Sezoni i ardhshëm i gripit mund të jetë i rëndë për të moshuarit, tha të martën Agjencia Evropiane e Shëndetit Publik.

Lloji kryesor i raportuar i virusit të gripit që qarkullon është ai që prek në mënyrë disproporcionale të moshuarit, tha në një deklaratë Qendra Evropiane për Parandalimin dhe Kontrollin e Sëmundjeve.

Vaksinat shpesh janë më pak efektive kundër tij, paralajmëroi agjencia. Shumë qeveri evropiane kanë filluar fushatat për të inkurajuar popullatat vulnerabël që të marrin vaksinën kundër gripit.

“Zbulimet e hershme të nëntipit A (H3N2) janë një tregues se sezoni i ardhshëm i gripit mund të jetë i rëndë, megjithëse nuk mund ta dimë me siguri se si do të duket sezoni i ardhshëm i gripit,” tha Pasi Penttinen, kreu i programit të gripit në Qendrën Evropiane për Parandalimin dhe Kontrollin e Sëmundjeve.

“Një rritje e madhe e infeksioneve të gripit gjatë pandemisë së vazhdueshme COVID-19 mund të ketë pasoja serioze për të moshuarit dhe ata me sistem të dobët imunitar dhe mund të vendosë një barrë shtesë për sistemet shëndetësore”, shtoi ai.

Përafërsisht 20% e popullsisë sëmuren nga gripi çdo vit, ku një të katërtën e personave të infektuar zhvillohen simptoma.

Të moshuarit dhe njerëzit që janë shtatzënë ose që kanë probleme kronike shëndetësore janë në rrezik më të madh për të përjetuar komplikime të rënda nga gripi.

Agjencia thotë se mijëra njerëz vdesin nga komplikimet e gripit çdo vit në Bashkimin Evropian.

LEXONI GJITHASHTU:

• Belgjika rivendos masa të reja anti-COVID, shkak numri i lartë i infektimeve
• Pak vaksinime, shumë viktima nga COVID në Rusi dhe Ukrainë
• Europa shënon rritje të infektimeve me COVID-19