Juristi Mustafaj: Shqiptarët e mbështesin median, edhe pse politikanët e quajnë burim shpifjesh

Reforma në drejtësi, veç fryteve që ka prodhuar, ka pasur edhe probleme në mënyrën se si ka funksionuar. Mirëpo, a i ka pasqyruar media këto probleme?

Për pedagogen Iris Luarasi, në media ka pasur disa artikuj kritikë për elementë që nuk shkonin me reformën në drejtësi.

Edhe juristi Dardan Mustafaj mendon se qytetarët shqiptarë e kanë vlerësuar kontributin e medias për informimin e tyre sa i përket gjendjes së gjyqësorit.

Ai u shpreh se populli shqiptar e ka mbështetur median, pavarësisht se shpesh herë është cilësuar nga eksponentë politikë dhe nga vetë kryeministri si “kazan” që ka nevojë për rregullim, me argumentin se është burim keqinformimi.

Qytetarët, megjithatë, mendojnë se media ka kontribuar pozitivisht në pasqyrimin e gjendjes sa i përket reformës në drejtësi, sipas juristit.

“Duket se qytetarët nuk e blejnë shumë këtë diskursin politik rreth pabesueshmërisë së mediave dhe rregullimit të saj”, u shpreh Dardan Mustafaj.

LEXONI GJITHASHTU:

• Procesi i vetingut i ka gjetur shqiptarët të papërgatitur, sipas gazetarit Likmeta