Gjiknuri: Të gatshëm për zgjedhje të pjesshme vendore

Për më shumë se  60 minuta është zhvilluar sot në ambientet e selisë së PS mbledhja e radhës e kryesisë së kësaj partie e drejtuar nga kryeministri Edi Rama.

Në fokus të diskutimeve kanë qenë çështjet organizative dhe është diskutuar se çfarë do të bëjë PS për një riorganizim në të ardhmen.

Pas mbledhjes, Sekretari i Përgjithshëm i PS, Damian Gjiknuri u shpreh për mediat se janë gati për zhvillimin e zgjedhjeve të pjesshme vendore. Gjiknuri shtoi se Gjykata Kushtetuese nuk ka pse ta vonojë më vendimin.

I pyetur mbi kërkesën e demokratëve për ngritjen e Komisionit të Reformës Zgjedhore, Gjiknuri tha se është thjesht çështje procedurash parlamentare dhe komisioni do të ngrihet.

Kryeministri Rama u ka lënë 100 ditë kohë socialistëve për të prezantuar dhe propozuar riorganizim dhe pritet që projekti me këto propozime të përfundojnë në muajin dhjetor.

LEXONI GJITHASHTU:

• ‘Berisha, Meta, vetingu në politikë…’, mbi 2 orë debat Rama-Basha
• Akuza për parregullsi në tendera, Rama i përgjigjet Bashës: Do ngelesh humbës