Blenë zjarrfikëse të prishur, SPAK arreston 6 zyrtarë të Bashkisë Durrës

SPAK ka arrestuar 6 zyrtarë të Bashkisë Durrës për abuzim me një tender në vlerën e 7 milion lekëve.

Automjeti i blerë për zjarrfikëset e qytetit ka rezultuar jashtë funksionit dhe nuk është përdorur në raste ndërhyrjesh emergjente.

Tenderi për blerjen kësaj auto-shkalle për zjarrfikësen e qytetit, ka çuar në pranga 6 zyrtarë të Bashkisë së Durrësit.

U arrestuan 3 anëtarë të grupit të specifikimeve teknike të tenderit të cilët akuzohen për shpërdorim detyre dhe 3 anëtarë të vlerësimit të ofertave për tenderin me vlerë 7 milionë lekë.

Nën akuzë janë edhe 4 administratorë, ortakë dhe punonjës të 3 shoqërive që morën pjesë në garë dhe që dyshohet se kanë falsifikuar dokumentet për pjesëmarrjen në këtë tender.

Për 6 zyrtarët e bashkisë së Durrësit dhe 2 prej përfaqësuesve të kompanive private në këtë procedure prokurimi Gjykata e Posaçme ka caktuar masën arrest me burg ndërsa për 2 shtetase është caktuar masa e arrestit në shtëpi dhe detyrimit të paraqitjes.

Tenderi është zhvilluar nga bashkia e Durrësit në qershor të 2020-ës por auto-shkalla ka rezultuar jashtë funksionit ndërsa hetimet e SPAK për këtë rast janë zhvilluar në bashkëpunim me drejtorinë hetimore në Policinë e Shtetit.

LEXONI GJITHASHTU: 

• LSI dorëzon padi në SPAK për inceneratorin e Fierit
• SPAK godet 5 policë në Pukë, lejuan kultivimin e kanabisit
• SPAK fillon hetimet për Fatmir Mediun