Re të zeza mbi La Palma, shpërthimet e llavës vijojnë për të gjashtën javë

Retë mbuluan vullkanin Cumbre Vieja të shtunën në ishullin spanjoll La Palma, ku shpërthimet vijuan për të gjashtën javë rresht.

Banorët ndërkohë ishin të zënë duke pastruar hirin vullkanik nga tryezat e restoranteve dhe nga rrugët.

Llava ka mbuluar thuajse 900 hektarë tokë, ka shkatërruar 2 mijë ndërtesa dhe shumë plantacione me banane, që kur vullkani nisi nga aktiviteti më 19 shtator.

Kryeministri Pedro Sanchez deklaroi se qeveria e tij do të përshpejtojë lëvrimin e ndihmave për industritë e dëmtuara të ishullit, të bazuara kryesisht tek agrikultura dhe peshkimi.

Ndërkohë, mbi 7 mijë personave u është dashur të braktisin banesat. Megjithatë, edhe pse aktiviteti vullkanik ka gjasa të vazhdojë, banorët janë të prirur të qëndrojnë në ishull.