Bullgaria shton 350 ushtarë në kufirin me Turqinë prej rritjes së imigrantëve

Bullgaria ka dërguar 350 ushtarë shtesë në kufirin e saj me Turqinë në një kohë kur imigracioni po rritet.

Ministri i Mbrojtjes Georgi Panajotov tha për mediat bullgare se trupat po mbërrinin për të “mbështetur policinë kufitare”.

“Janë dërguar 350 persona me rreth 40 njësi pajisje,” – deklaroi ai.

Ministria e Brendshme tha se më shumë se 6.500 imigrantë u arrestuan pasi hynë ilegalisht në Bullgari nga janari deri në shtator. Numri i hyrjeve është më shumë se tre herë më i madh krahasuar me të njëjtën periudhë të vitit 2020, sipas të dhënave zyrtare.

Në gusht, parlamenti bullgar votoi gjithashtu për të dërguar 400 deri në 700 ushtarë për të ndihmuar në ndërtimin e gardheve përgjatë kufijve të tij me Greqinë dhe Turqinë.

LEXONI GJITHASHTU: 

• Bullgaria detyron certifikatën e gjelbër prej rritjes së infektimeve
• Serbi-Kosovë dhe Bullgari-RMV, Macron shpjegon situatën e ndërlikuar të Samitit për Ballkanin
• Bullgaria shënon raste rekord ditore me koronavirus