Rama në COP-26: Mbani premtimet për mbështetje për krizën energjetike

Nga Glasgou, kryeministri Edi Rama kërkoi nga liderët e shteteve me ekonomitë më të mëdha që të mbajnë premtimet për financim për krizën e energjisë elektrike.

“Ky financim nuk duhet të vijë në formën e huave që i zënë vendet tona në grackën e ciklit të borxhit, por përmes granteve që na fuqizojnë të investojmë. Dhe shpresoj që mbështetja nuk do të vazhdojë të nënkuptojë studime e strategji pa fund”, tha kryeministri i Shqipërisë,

Në konferencën e Organizatës së Kombeve të Bashkuara mbi ndryshimet klimatike, kreu i qeverisë deklaroi se është krenar që Shqipëria nuk është vend ndotës dhe që prodhimi i energjisë mbështetet te burimet e ripërtërishme.

Liderët e vendeve me ekonomitë më të mëdha dhe me emetimet më të larta të karbonit u janë mbledhur në Samitin për Klimën COP-26, që nisi punimet në Glasgou të hënën.

Ata u zotuan se do të veprojnë për t’i dhënë zgjidhje çështjes së klimës.

LEXONI GJITHASHTU: 

• Rritja e çmimit të energjisë dhe kriza e kontejnerëve rrit inflacionin në BE
• Samiti i BE-së në Bruksel, liderët diskutojnë për çmimet e energjisë, klimën dhe pandeminë