Merkel vizitë lamtumire në Francë, Macron i jep titullin e lartë

Kancelarja gjermane Angela Merkel zhvilloi një vizitë lamtumire në Francë, ku u përshëndet nga një publik i madh.

Presidenti francez Emmanuel Macron i dha Merkelit çmimin më të lartë të vendit, simbolin e Kryqit të Madh të Legjionit të Nderit.

“Franca ka mësuar të të njohë dhe më pas të të dojë”, tha Macron, duke renditur arritjet dhe punën e Merkelit me presidentët francezë që ajo ka njohur ndër vite.

“Ju keni kontribuar në mbajtjen e Evropës të bashkuar pavarësisht nga të gjitha pengesat,” shtoi presidenti francez.

Vizita e fundit e Merkelit ishte në qytetin e Beaune në rajonin e verës në Burgundy, ku ata vizituan një ish-spital i shekullit të 15-të.

Dy udhëheqësit evropianë darkuan në “Château du Clos de Vougeot”, një monument që daton në shekullin e 12-të, në mes të vreshtave të Burgundisë.

Merkel po largohet nga posti pas gati 16 vitesh si kancelare gjermane dhe vizita në Francë ishte udhëtimi i saj i fundit në Francë në këtë rol.

Tre partitë politike gjermane që formojnë një koalicion kanë thënë se synojnë të kenë një kancelar të ri në fillim të dhjetorit.

LEXONI GJITHASHTU:

• 194 të vdekur në ditë, vala e katër e COVID-19 godet rëndë Gjermaninë
• Gjermania përballet me ‘pandeminë e të pavaksinuarve’