‘Open Balkan’ nga Beogradi në Tiranë, takimi i radhës në fund të dhjetorit

Nis në Beograd konferenca e “Open Balkan” mes kryeministri Edi Rama, presidentit të Serbisë, Aleksandër Vuçiç dhe zv. kryeministrit të Maqedonisë së Veriut, Nikolla Dimitrov.

Kryeministri Edi Rama deklaroi se “Open Balkan” është një nismë në shërbim të njerëzve dhe mirëqenies ekonomike. Kreu i qeverisë shqiptare nënvizoi se nga janari 2022 do të nisin përpjekjet për lehtësimin e kalimit në kufi për produktet e fermerëve dhe kompanive.

Ndërsa, presidenti i Serbisë, Aleksandër Vuçiç premtoi se pas një viti e gjysmë, qytetarët e tri shteteve do të mund të lëvizin lirshëm, pa pengesa në kufi.

Ai nënvizoi se kanë rënë dakord për të ngritur Këshillin e Zbatimit. Më tej, Vuçiç nënvizoi se pas festës së Krishtlindjeve “Open Balkan” do të mbahet në Tiranë, ku do të nënshkruahet memorandumi për lejet e punës.

Sakaq, Nikolla Dimitrov tha se bashkëpunimi rajonal është një zgjedhje e zgjuar. Ai shtoi se “nuk mund t’ja lejojmë vetes qe të mungojmë në këto takime”.

LEXONI GJITHASHTU:

• Rama: Nga janari rezultate konkrete në kufi për fermerët dhe distributorët
• ‘Në dhjetor memorandumi për lejet e punës’, Vuçiç: Pas një viti e gjysmë asnjë pengesë në kufi