Open Balkan, nismë e pakonsoliduar, thotë eksperti i ekonomisë

“Nisma Open Balkan është ende e pakonsoliduar me një marrëveshje të qartë dhe lë vend edhe për spekulime të ndryshme”. Kështu u shpreh për Euronews Albania eksperti i ekonomisë, Ilir Ciko.

“Është ende një dëshirë, jemi në nivel të takimeve politike apo të biznesit, por jo në një marrëveshje të njohur ndërkombëtare”, tha eksperti.

Z. Ciko nënvizoi se deri tani është e vështirë të flasësh për të humbur dhe të fituar, por koha ka treguar se ka pasur edhe biznese shqiptare që kanë arritur të eksportojnë produktet janë vendit.

Teksa komentoi nismën, eksperti shtoi se asnjë shtet i rajonit nuk duhet të jetë i përjashtuar nga Open Balkan.

“Tentativa për ta përfshirë Malin e Zi në këtë marrëveshje e lë realisht Kosovën në një ishull brenda rajonit”, tha eksperti, teksa theksoi se Shqipëria ka përgjegjësinë që të mos cenohen interesat e Kosovës.

Z. Ciko deklaroi se Serbia e njeh si partnere tregtare Kosovën, të përfaqësuar nga UNMIK.

LEXONI GJITHASHTU:

• ‘Open Balkan’, Rama e Vuçiç kërkesë BE për përfshirje në tregun e përbashkët