Përfaqësuesi i eksportuesve rendit 6 kërkesat e këtij sektori ndaj qeverisë

Përfaqësuesi i eksportuesve, Ejup Ahmeti renditi në emisionin “Mirëmëngjes” 6 kërkesat urgjente që ky sektor ka ndaj qeverisë.

Ai nënvizoi se ky sektor sjell valutën nga vendet e tjera dhe se është një pasuri kombëtare dhe për këtë arsye shteti duhet t’i trajtojë ndryshe.

6 kërkesat e përfaqësuesve të eksporteve:

• Subvencion direkt për fermerët që kultivojnë perime të freskëta.
• Stimulimi i eksporteve në njësi prodhimi. Nuk kemi pasur deri më tani asnjë subvencionim.
• Barazimi në paktën fiskale 2022 të shkallës të TVSH-së.
• Shtyrjen në kohë të aplikimit të TVSH në shkallën 10%.
• Kërkojmë garantimin dhe monitorimin e cilësisë së imputeve bujqësore, duke të rishikohet baza ligjore.
• Kërkojmë nga qeveria të angazhohet me rregullimin me ligj të kushteve në mënyrën dhe kryerjen e tregtisë me produktet bujqësore.

Përfaqësuesit e eksportuesve, agrobiznesit dhe fermerëve u janë drejtuar me një letër kryeministrit Edi Rama, Ministres së Financave, Delina Ibrahimaj dhe asaj të Bujqësisë Frida Krifca

Sipas tyre, formalizmi i propozuar në formën e subvencionit për fermerët është i pamjaftueshëm dhe mund të cilësohet thjeshtë si “ndihmë sociale”.