Asnjë e dhënë në 3 vitet e fundit nga bashkia Tiranë për ndotjen e ajrit, thotë ekspertja e mjedisit

“Transporti urban dhe ndërtimet janë ndotësit më të mëdhenj të mjedisit, nga ku shkaktohet një prani e lartë dioksidit të karboni, azotit”.

Kështu deklaroi për emisionin “Mirëmëngjes”, ekspertja e mjedisit, Valbona Mazreku, e cila nënvizoi se ndotja e ajrit në Shqipëri është disa-fish më lartë në krahasim me vendet e BE-së.

Znj. Mazreku shtoi se për cilësinë e ajrit në kryeqytet nuk ka të dhëna për të paktën 3 vitet e fundit nga ana e bashkisë Tiranë.

Ekspertja sqaroi se duhet të vendosen pajisje specifike në disa zona të kryeqytetit dhe më pas të bëhet një përllogaritje e nivelit të ndotjes.

Znj. Mazreku theksin e vuri tek transporti urban në kryeqytet ku tha se duhet të bëhet një rregullim i linjave, në mënyrë që të ulet numri i autobusëve që kryejnë të njëjtat akse.

Ajo nënvizoi duhet rishikuar edhe ligji specifik për parametrat e mjedisit